فترة للراحة فقط

من طرف مشرف الجمعة يوليو 30, 2010 3:50 pm

حسنين بيقول لصاحبه : والله ماعرفتش طعم النوم في القطر امبارح

صاحبه : ليه ؟

حسنين : عشان كنت نايم في السرير الفوقاني

صاحبه: وماعرفتش تبدل

حسنين : لأ، ماكانش فيه حد في السرير التحتاني عشان ابدل معاه

صعيدي متعلم حب يفتح حساب في البنك سافر للقاهرة عشان يملا الاستمارة لانه شاف مكتوب عليها (FILL UP IN CAPITAL)

تحطمت طائرة صغيرة تتسع لراكبين فقط فوق احد المقابر بالصعيد

اخوانا الصعايدة انتشلوا 500 جثة وما زال الحفر مستمراً

ياعوضين بنتك ماتت

قام الصعيدى وبسرعة رمى نفسه من الطابق العاشر

لما وصل الطابق الثامن تذكر انه ما عندوش بنت

لما وصل السادس تذكر انه مش متجوز

لما وصل للرابع تذكر انه مش عوضين ولكنه حسنين

لما وقع عالارض ماحصلش حاجة

بروفيسور صعيدي اخذ معاه سباك عالكلية

علشان يعرف من فين بتتسرب اسئلة الامتحانات

صعيدي بالغلط دخل متحف للفن الحديث

توقف عند احد اللوحات وسأل أحد المنظمين جنبه

ايه الشكل المرعب ده، هو ده الفن اللي بتسموه حديث؟

رد المنظم : دى مراية يا أستاذ

صعيدي فهمان ومراته طلبوا قهوة باحد المقاهي

بيقولها : اشربي بسرعة

قالتله : ليه؟

قالها : لانك جاهله ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه

صعيدي واقف قدام المراية ومغمض عينيه

مراته بتساله : بتعمل ايه؟

قالها : بحاول اشوف شكلى ازاى وانا نايم

المدرس طلب من التلاميذ كتابة موضوع عن مباراة شافوها في كرة القدم

كل التلاميذ مشغولين بالكتابة الا عوضين الصغيَر

كتب جملة واحدة وقعد: 'بسبب الامطار تأجلت المباراة'

* صعيدي فتح معمل ثلج

سماه معمل الصعيد للمياه الناشفة

* ليه فترة الراحة في الشغل للصعايده عشر دقايق بس ؟

عشان لو اكتر من كده هنضطر نرجع نعلمهم الشغل من أول وجديد

* مرة واحد صعيدى راح عند الصيدلي قال له: عندك لبن أطفال

الصيدلي سأله : اسمه إيه ؟

الصعيدى قال له : هريدى

* صعيدى فتح حساب بالبنك اعطوه بطاقة ATM راح غلفها بالبلاستيك

* صعايدة عملوا مظاهرة..... لبّسوا واحد منهم بوش وحرقوه

* صعايدة راحوا يلعبو بلياردو طلع واحد منهم عالطاولة و قال يللا يا رجاله انا الجون

* ايه اللى مكتوب داخل أحذية الصعايدة؟

الأصابع أولا

* صعيدي راح للدكتور ، الدكتور قال له امشي كل يوم 5 كيلو. اتصل الصعيدى بعد أربعين يوم بالدكتور وقال له انا دلوقتى داخل على اسكندرية اعمل ايه؟ .

* الصعيدى بيعمل ايه بعد ما يستحمى ؟

بيقلع هدومه المبلوله

واحد صعيدي فضل 15 سنة يدعي ربنا انه يرزقه بولد

في الأخر نزل له ملاك وقال له

" أبوس ايدك اتجوزالاول"